Esta fin de semana, aproveitando a menguante de xaneiro (un pouco tardía...), podamos uns vimbios (mimbre, para quen non entenda). Fai dous anos plantamos un par de vimbieiros de estaca na finca dun familiar e esta foi a primeira poda que lle demos.
Hoxe adicámonos a limpalos e ordealos por tamaños amoreándoos en feixes.
E este son os nosos mandos de vimbios, mandos que por certo xa comezamos a gastar porque meu compañeiro non puido aguantar máis e ocorréuselle facer hoxe mesmo un cesto, iso sí, á maneira de Noia. Na próxima entrada explicareivos en que consiste.
Ningún comentario:
Publicar un comentario
Unhas palabriñas...