Fai tempo que quería facer xabón para a lavadora a partir do xabón que nós facemos reciclando aceite usado. Estamos moi contentos co resultado das pastillas que utilizamos para lavar a louza así que por qué non facer un xabón para a lavadora?
O proceso foi moi sinxelo e para ser a primeira vez, e polo tanto un experimento, saíu bastante ben, creo. Aí van, dous litrazos de xabón de lavadora, yuhuuu!
-primeiro raiamos aproximadamente uns 200 gr. do noso xabón
-poñemos a quentar uns 2 litros de auga e xusto antes de que comece a ferver botamos o xabón raiado
-a continuación imos removendo para que se dilúan todas as virutas
-unha vez diluídas, botamos un chorro de suavizante (polo do aroma) e batimos con batidora (...redundancia) ata que se nos creou unha textura branca
-deixámolo repousar e envasamos
Aviso de que as medidas foron a ollo, probando sorte, e finalmente gustounos moito a textura xelatinosa que resultou. Se tivera quedado moi líquido sempre poderíamos ter raiado máis xabón e de quedar demasiado denso tamén poderíamos rebaixalo de novo cunha pouca auga quente, ir batendo... e así ata dar coa densidade do noso gusto.
E xa puxemos dúas lavadoras con el e seguimos encantados. Acabouse mercar deterxente nesta casa, yuhuuu!
Boas,
ResponderEliminarPrimeiramente, felicitarvos pola idea de facer este blog. Dadesme moita envexa. Eu soño con vivir algun dia nunha aldea como a vosa.
Eu tamén fago xabón caseiro en pastillas e recentemente fixen xabón para a lavadora. A receta que empreguei;
1 litro aceite usado
250 gr sosa
1 litro deterxente lavadora
sal
3 litros de auga.
Remexemos e remexemos e volvemos remexer e pasado 4 dias iremos engadindo 1.5 litros durante 10 dias.
E unha receta duns apuntes que me pasaron e a min funcioname.
Ánimo por que o facedes moi ben.
Bicos
Jose Castro
Boas Jose!
EliminarQue ilusión este comentario teu, ademais aportando a túa receita. Xa che digo que a nosa é feita un pouco a ollo pero non vexas que ben lava, que é do que se trata, jeje.
Moitas gracias e igual algún día probamos a túa receita, ;)
Xenial nos facemos xabon e ei probar a tua receta
ResponderEliminar