Xabón con aloe vera.

 Este fin de semana decidimos seguir dando saída ó aceite usado que acumulamos en casa e ó que os amigos acumulan para nós, ;)

 Fixemos xabón con aloe vera. O proceso foi igual que o do outro día pero coa enerxía de anteriores ocasións ó remover, que creo que foi o que marcou a diferencia co xabón do fin de semana pasado, moito máis grumoso. Neste collage podedes ver como evolucionou a mestura.

 Ademais agardamos ó final para botar o xugo do aloe e despois de remover un pouquiño os ingredientes xuntos, para o molde!

 Esta mañá desmoldamos e esta foi a peza fermosa que conseguimos, cos tropezóns de aloe salpicados polo medio. Iso foi o curioso desta ocasión, que o xel case transparente do aloe adquiriu outra consistencia e cor. Agora gustaríame saber se as propiedades do aloe siguen aí...

 Pero bonito, bonito quedou dende logo!